पहूर-लाईव्ह ट्रेंडस न्यूज प्रतिनिधी । जामनेर तालुक्यातील शेंगोळा येथील किरणा दुकान फोडून १ लाख ३० हजार रूपयांची रोकड अज्ञात चोरट्यांनी चोरून नेल्याचे उघडकीला आले आहे. याबाबत पहूर पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी की, निवृत्ती पंढरी दोड (वय-३९) रा. शेंगोळा ता. जामनेर हा तरूण आपल्या कुटुंबियांसह वास्तव्याला आहे. किराणा दुकान चालवून आपला उदरनिर्वाह करतो. ३ जुलै रोजी रात्री ९.३० वाजेच्या सुमारास त्याने त्याचे दुकान बंद करून घरी गेला. मध्यरात्री अज्ञात चोरट्यांनी दुकानाच्या शटरचे कुलूप तोडून आत प्रवेश करत दुकानाच्या ड्रव्हरमध्ये ठेवलेले १ लाख ३० हजार रूपये चोरून नेले. हा प्रकार ४ जुलै रोजी सकाळी ७ वाजता उघडकीला आला. त्यांनी तातडीने पहूर पोलीस ठाण्यात धाव घेवून रितसर तक्रार दिली. त्यांच्या तक्रारीवरून अज्ञात चोरट्यांविरोधात गुन्हा दाखल करण्यात आला आहे. पुढील तपास पोहेकॉ किरण शिंपी करीत आहे.