जळगाव प्रतिनिधी | निसर्गकन्या कवयित्री बहिणाबाई चौधरी यांच्या पुण्यतिथी निमित्त म.सा.प.पुणे शाखा-चाळीसगाव कार्यालयात अभिवादन सभा संपन्न झाली.
शुक्रवार दि. ३ डिसेंबर रोजी निसर्गकन्या कवयित्री बहिणाबाई चौधरी यांच्या पुण्यतिथी निमित्त म.सा.प.पुणे शाखा-चाळीसगाव कार्यालयात सायंकाळी ५.३० वाजता अभिवादन सभेचे आयोजन केले होते. शाखेचे कार्याध्यक्ष कवी-मनोहर ना.आंधळे यांच्या अध्यक्षतेत संपन्न झालेल्या या अभिवादन सभेत उपाध्यक्षा अँड.सुषमाताई पाटील, कार्यवाह प्राचार्य पी.एस.चव्हाण, कार्यकारिणी सदस्य अनुक्रमे रामचंद्र गोसावी, कवी रमेश पोतदार, पर्यावरणमित्र- शालिग्राम निकम व राकेश बोरसे आणि रसिक श्रोते उपस्थीत होते.
याप्रसंगी प्राचार्य पी.एस.चव्हाण, अँड.सुषमा पाटील, शालीग्राम निकम व कवी रमेश पोतदार यांचेसह अभिवादन सभेचे अध्यक्ष कवी मनोहर आंधळे यांनी कवयित्री बहिणाबाईंच्या जीवनाचा व काव्यलेखनाचा धांडोळा घेत मनोगते व्यक्त केलीत. मनोहर आंधळे यांनी कवयित्री बहिणाबाई चौधरी यांची मन वढाय वढाय ही कविता तर कवयित्री अँड.सुषमा पाटील यांनी बहिणाईंना समर्पित स्वरचित कविता सादर केली.