धुळे प्रतिनिधी । जिल्ह्यातील मातब्बर नेते माजी मंत्री आमदार अमरीश पटेल यांनी काँग्रेसला सोडचिठ्ठी देत आज धुळे येथील प्रचाराच्या मेळाव्यात मुख्यमंत्री देवेंद्र फडणवीस यांच्या उपस्थितीत भाजपात प्रवेश केला आहे. आज धुळ्यात प्रचार मेळाव्यात आपल्या कार्यत्यांसह अमरीश पटेल यांनी भाजपात प्रवेश केला.
माजी मंत्री आमदार अमरीश पटेल हे भाजपात जाणार अशी चर्चा होती, आज अखेर त्यांनी भाजपात प्रवेश केला आहे. अमरीश पटेल यांनी पक्ष सोडल्याने काँग्रेसला मोठा धक्का बसला आहे. विधानसभा निवडणुकीचा प्रचार सुरु झाला आहे, मात्र अद्यापही भाजपात इनकमिंग सुरु आहे.