चाळीसगाव-लाईव्ह ट्रेंडस न्यूज प्रतिनिधी । चाळीसगाव शहरातील महाराणा प्रताप चौक सोसायटीजवळ पायी जाणाऱ्या वृद्ध महिलेच्या गळ्यातील सोन्याचे मंगळसूत्र अज्ञात दोन जणांनी दुचाकीवर येऊन तोडून नेण्याची घटना मंगळवार ११ जून रोजी रात्री ८ वाजता घडली आहे. याप्रकरणी बुधवारी १२ जून रोजी मध्यरात्री १ वाजता चाळीसगाव शहर पोलिसात गुन्हा दाखल करण्यात आला.
या संदर्भात माहिती अशी की, संध्या प्रकाश पाटील वय-६१, रा. इंद्रप्रस्थ नगर, चाळीसगाव या वृद्ध महिला आपल्या परिवारासह वास्तव्याला आहे. दरम्यान मंगळवारी ११ जून रोजी रात्री ८ वाजता त्या पायी जाण्यासाठी बाहेर निघाल्या होत्या. त्यावेळी शहरातील महाराणा प्रताप हाऊसिंग सोसायटी जवळ पायी जात असताना अज्ञात दोन दुचाकीवर आले व त्यांनी वृध्द महिलेच्या गळ्यातील ३६ हजार रूपये किंमतीच सोन्याची मंगलपोत तोडून चोरून गेली आहे. दरम्यान महिलेने आरडोआरेड केली परंतू तोपर्यंत चोरटे हे दुचाकीवर प्रसार झाले होते. दरम्यान बुधवारी १२ जून रोजी मध्यरात्री १ वाजता चाळीसगाव शहर पोलिसात याबाबत गुन्हा दाखल करण्यात आला आहे. या घटनेचा पुढील तपास सहाय्य पोलिस निरीक्षक दीपक बिरारी हे करीत आहे.