चाळीसगाव प्रतिनिधी । येथील संभाजी सेनेचे संस्थापक लक्ष्मण शिरसाठ यांच्या वाढदिवसानिमित्त शहरातील पवारवाडी व संभाजीनगर भागात वृक्ष वाटप करून वाढदिवस साजरा करण्यात आला.
सविस्तर माहिती अशी की, संभाजी सेनेचे संस्थापक लक्ष्मण शिरसाठ यांचा १ जून रोजी ५४वा वाढदिवस साजरा करण्यात आला. या दिवसाचे औचित्य साधून शहरातील पवारवाडी व संभाजीनगर भागात आवळा, कडूलिंब, चिंच बादाम, आपटा, शोभेची व गर्द छायेची रोपटे वाटप करण्यात आले. पर्यावरणाचा समतोल बिघडू न देण्यासाठी वृक्षारोपण व संवर्धन करणे अत्यंत गरजेचे असल्याची प्रतिक्रिया संभाजी सेनेचे संस्थापक लक्ष्मण शिरसाठ यांनी यावेळी सांगितले. ॲड.आशा शिरसाठ व त्यांच्या सहकार्यांनी परिसरात रोपट्यांची वाटप केली. याप्रंसगी संभाजी सेनेचे शहर अध्यक्ष अविनाश काकडे, सनी पाटील, कृष्णा, मिनाक्षी नारखेडे, स्वाती नारखेडे, विकी पाटील, पार्थ पाटील, राजेंद्र आगोणे आदींनी यावेळी सहभाग नोंदवला.