चुंचाळे ता.यावल, प्रतिनिधी । येथील भाजपचे शिक्षण सभापती रविंद्र पाटील यांच्या डी.पी.डि.सी. विकास निधी अंतर्गत जि प शाळेच्या आवारात अंगणवाडी खोलीचे आज भाजपाचे जेष्ठ समर्थक देवचंद कोळी यांच्या हस्ते भूमिपूजन करण्यात आले आहे.
येथे भाजपाचे साकळी दहिगाव गटाचे आरोग्य व शिक्षण सभापती रविंद्र पाटील (छोटु भाऊ) यांच्या डी.पी.डि.सी. विकास निधी वर्ष २१/२२ अंतर्गत विद्यार्थ्यांची वाढती संख्या बघता चुंचाळे जि.प.शाळेच्या आवारात अंगणवाडी खोलीचे भुमीपुजन आज करण्यात आले आहे. आज दिनांक ३ मे रोजी माजी पिक संरक्षण सोसायटी चे चेअरमन व भाजपाचे कट्टर जेष्ठ समर्थक देवचंद कोळी यांच्या हस्ते करण्यात आले आहे. डी.पी.डी.सी निधी अंतर्गत जवळपास ८ लाख ५० हजार मंजुर झाले आहे. यावेळी रविंद्र पाटील यांनी साकळी दहिगाव गटातील विकास कामे करण्यासाठी मी कटीबंद्ध आहे. तसेच अंगणवाडी खोलीचे कामे स्वता उभे राहून ठेकेदाराकडून चांगल्या प्रतीचे करुण घ्यावे, अश्या सुचना प्रत्यक्ष कार्यकर्त्याना व ग्रामपंचायतीला दिल्या.
याप्रसगी चुंचाळे ग्रामपंचायतीचे सदस्य दगडु तडवी, अनिल कोळी, बोराळे उपसरपंच उज्जैंनसिंग राजपुत, वि.का.सो.चे संचालक ईस्माईल तडवी, भटक्या जाती जमातीचे तालुकाध्यंक्ष समाधान धनगर, सरपंचपती संजय पाटील, जुम्मा तडवी, चंद्रकांत चौधरी, राजु सोनवणे, नितीन फन्नाटे, किसन महाजन, फत्तु तडवी, ग्रा.प.कर्मचारी मनिष पाटील, दलशेर तडवी यांच्यासह आदी कार्यकर्ते उपस्थित होते. चुंचाळे येथे जि. प. सदस्य रविंद्र पाटील यांनी विविध विकास कामानसाठी निधी दिल्याबद्दल चुंचाळे ग्रामस्थांनी त्यांचे आभार मानले.