धरणगाव-लाईव्ह ट्रेंडस न्यूज प्रतिनिधी । धरणगाव तालुक्यातील बोरखेडा येथील माहेर असलेल्या विवाहितेचा चोपडा तालुक्यातील खेडीभोकरी येथील सासरच्या मंडळींनी ट्रॅक्टर घेण्यासाठी ४ लाखांची मागणी करत शारीरिक छळ करत मारहाण केल्याचा प्रकार समोर आला आहे, तसेच पतीने दुसरे लग्न करण्याची धमकी दिली. याप्रकरणी मंगळवारी ३० जानेवारी रोजी सायंकाळी ७ वाजता धरणगाव पोलीस ठाण्यात गुन्हा दाखल करण्यात आला आहे.
या संदर्भात मिळालेली माहिती अशी की, धरणगाव तालुक्यातील बोरखेडा येथील माहेर असलेल्या प्रतिभा उमेश पाटील (वय-२६) यांचा विवाह चोपडा तालुक्यातील खेडीभोकरी येथील उमेश पाटील यांच्याशी रीतीरिवाजानुसार झालेला आहे. लग्नाचे सुरुवातीचे काही दिवस चांगले गेल्यानंतर पती उमेश पाटील यांनी पत्नी प्रतिभा पाटील यांना माहेर होऊन ट्रॅक्टर घेण्यासाठी ४ लाख रुपये आणावे, अशी मागणी केली दरम्यान विवाहितेने माहेराहून पैसे आणले नाही याचा राग आल्याने पतीकडून शिवीगाळ व दमदाटी करून मारहाण केली. आणि दुसरे लग्न करण्याची धमकी पतीकडून मिळाली. हा प्रकार सहन न झाल्याने विवाहिता माहेरी निघून आल्या. दरम्यान या प्रकरणी मंगळवारी ३० जानेवारी रोजी सायंकाळी ७ वाजता विवाहितेने पतीविरोधात तक्रार दिली. त्यानुसार पती उमेश पाटील यांच्या विरोधात धरणगाव पोलीस ठाण्यात गुन्हा दाखल करण्यात आला आहे. या गुन्ह्याचा पुढील तपास पोलीस हेडकॉन्स्टेबल नितीन पाटील हे करीत आहे.