एरंडोल – लाईव्ह ट्रेन्स न्यूज प्रतिनिधी | एरंडोल नगर पालिकेचे प्रशासक तथा मुख्य अधिकारी विकास नवाळे ‘प्लास्टिक बंदी’ संदर्भात एक्शन मोडमध्ये पहायला मिळाले. या अंतर्गत ५ व्यापारी आणि १ बियर बारवर कारवाई करण्यात आली.
नगरपालिकाचे प्रशासक नवाळे यांनी ‘सिंगल युज प्लास्टिक’ बाबत धडक मोहीम हाती घेतली आहे. त्यांनी स्वतः या मोहिमेत सहभाग घेतला. यात ५ व्यापारी आणि १ बियर बारवर कारवाई करण्यात आली असून एकूण ३० हजार रुपये दंड वसूल केला. यामुळे प्लास्टिक बंदीबाबत नियमांचे उल्लंघन करणाऱ्या दुकानदार व विक्रेत्यांचे धाबे दणाणले आहे.
या धडक मोहिमेत नगरपालिकेचे अजित भट्ट, शरद राजपूत, एस. आर. ठाकूर, वैभव पाटील, प्रकाश सूर्यवंशी, तुषार शिंपी, कैलास देशमुख, भरत महाजन, किशोर महाजन हे सहभागी झाले.