जळगाव प्रतिनिधी । सततच्या आजाराला कंटाळून राणीचे बांबरुड येथील 60 वर्षीय वयोवृद्धाने शेतात विषारी औषध घेऊन आत्महत्याचा प्रयत्न केला आहे.
मिळालेल्या माहितीनुसार, सिकंदर साडू तडवी (वय-60) रा. राणीचे बांबरुड तालुका पाचोरा हे गेल्या दोन वर्षांपासून सतत आजारी आहेत. त्यांनी आजाराला कंटाळून आज सकाळी बांबरुड शिवारातील शेतात पीक फवारणीचे औषध घेऊन आत्महत्या करण्याचा प्रयत्न केला. त्यांना अत्यवस्थ वाटत असल्याचे नातेवाईकांना लक्षात आले. नातेवाईकांनी तात्काळ खासगी वाहनाने जिल्हा सामान्य रुग्णालयात उपचारार्थ दाखल केले. याबाबत अद्याप कुठलीही नोंद घेण्यात आलेली नाही.