साकळी येथे माझे कुटुंब माझी जबाबदारी अंतर्गत कार्यक्रम

यावल प्रतिनिधी । तालुक्यातील साकळी येथे माझे कुटुंब माझी जबाबदारी या कार्यक्रमा अंतर्गत सर्वेक्षणाचा कार्यक्रम जिल्हा परिषदेचे शिक्षण व आरोग्य सभाबती रवींद्र पाटील यांच्या मार्गदर्शनाखाली घेण्यात आला.

जळगाव जिल्हा परिषद शिक्षण व आरोग्य सभापती  रविंद्र उर्फ छोटु पाटील,  तहसीलदार महेश पवार तसेच यावल पंचायत समितीचे गटशिक्षणाधिकारी नईमुद्दीन कुतुबुद्दीन शेख  यांनी भेट दिली. याप्रसंगी सर्वेक्षण करणार्‍या शिक्षकांना व आरोग्य कर्मचार्‍यांना आरोग्य सभापती रवींद्र पाटील यांनी मार्गदर्शन केले. तसेच तहसीलदार  व गटशिक्षणाधिकारी यांनी नागरिकांनी शासकीय नियमांचे पालन करून स्वतःच्या व इतरांच्या आरोग्याची काळजी घ्यावी व आपली वेळ येईल त्यावेळेस कोवीड लसीकरण करून घ्यावे असे आवाहन मार्गदर्शन केले. 

सर्वेक्षण केंद्र प्रमुख किशोर चौधरी यांनी पंचक्रोशीतील साकळी परिसरात साकळी, शिरसाड, मनवेल, दगडी, थोरगव्हाण व पिळोदा येथील आरोग्य विभागाच्या सर्वेक्षण संदर्भात माहिती दिली. साकळी परिसरातील आरोग्य यंत्रणेच्या माध्यमातुन होत असलेल्या कोरोना संदर्भातील जनजागृती व रुग्णांची घेतली जात असलेली काळजी या विषयाची माहिती जाणुन घेतली. याबाबत तहसीलदार महेश पवार समाधान व्यक्त केले व कोरोनाचे उच्चाटन करण्यासाठी प्रशासनास जनजागृती व शासनाच्या नियमांची काटेकोर अमलबजावणी आणी सर्वेक्षण अधिकाधिक प्रभावी करण्यासंदर्भात मार्गदर्शन केले. याप्रसंगी परिसरातील सर्वेक्षण कर्मचारी, शिक्षक, आशा वर्कर प्रामुख्याने उपस्थित होते.

Protected Content