मुंबई, वृत्तसंस्था । माझी पण इच्छा आहे की, माझ्या नावावर अशी कोणी बिल्डिंग करावी’, अशा शब्दांत राष्ट्रवादी काँग्रेसचे नेते शरद पवार यांनी अभिनेत्री कंगना रनौत यांच्या आरोपाची गुरुवारी हसत खिल्ली उडवली. अर्थात जे कोणी बोलत आहे, त्या व्यक्तीकडून जबाबदारीने बोलण्याची अपेक्षा धरावी का? असा प्रश्नही लगेचच शरद पवार यांनी उपस्थित केला .
खारच्या फ्लॅटबाबत कंगनाने ट्वीटरद्वारे राष्ट्रवादीचे नेते शरद पवार यांच्याबाबत वक्तव्य केले होते. त्यास पवार यांनी उत्तर दिले. ‘हा फक्त माझाच नाही तर संपूर्ण इमारतीचा प्रश्न होता, केवळ माझ्या फ्लॅटचा इश्यू नाही. ज्यासाठी बांधकाम व्यावसायिकाने सामोरे जाण्याची गरज आहे. ही इमारत शरद पवारांची आहे. आम्ही हा फ्लॅट त्यांच्या पार्टनरकडून खरेदी केला आहे. म्हणूनच ते यासाठी उत्तरदायी आहेत’, असे कंगनाने ट्वीटमध्ये म्हटले आहे.