वरणगाव दत्तात्रय गुरव । भुसावळ तालुक्यातील वरणगाव येथे दर मंगळवारी आठवडी बाजार भरतो. शहरातील बोदवड रोडवरती महात्मा गांधी विद्यालयाच्या समोर हा आठवडे बाजार भरत आहे, सध्या कोरोनाची परिस्थिती आटोक्यात असली तरी या आठवडे बाजारामुळे विद्यार्थ्यांच्या जीवाला धोका निर्माण होण्याची शक्यता असल्याने शाळेतील सर्व शिक्षकांनी रस्त्यावर उतरून आठवडे बाजार शाळे समोरून हटवला आहे.
वरणगाव शहरातील महात्मा गांधी विद्यालयासमोर सध्या आठवडे बाजार भरला जात आहे. आठवीनंतरचे सर्व वर्ग या शाळेमध्ये आता सुरू आहेत. या आठवडे बाजारामुळे विद्यार्थ्यांच्या जीवाला कोरोनाचा धोका निर्माण होऊ शकतो. आठवडे बाजारातील व्यापाऱ्यांना सांगून देखील ते शाळेत समोरच गर्दी करून बसत असल्याने आज शाळेतील सर्व शिक्षक बाजारात उतरले आणि नगरपालिकेच्या अधिकारी आणि पोलिस प्रशासनाला मदत घेऊन हा आठवडी बाजार या ठिकाणाहून पाठवला आहे.