Live Trends News | Jalgaon News, Jalgaon district Latest Breaking News In Marathi

विचित्र अपघातात दुचाकीस्वार थोडक्यात बचावला; चाळीसगाव ग्रामीण पोलीसात गुन्हा

चाळीसगाव प्रतिनिधी । पाचोरा भडगाव मार्गे चाळीसगाव येथे जाणाऱ्या बसला समोरून दुचाकीधारकाच्या दुर्लक्षामुळे झालेल्या अपघातात दुचाकीस्वार थोडक्यात बचावल्याची घटना वाघळी ते बोरखेडा रोडवर घडली. याप्रकरणी दुचाकीस्वारावर चाळीसगाव ग्रामीण पोलीसात गुन्हा दाखल करण्यात आला आहे. यात तीन जण किरकोळ जखमी झाले आहे.

 

याबाबत माहिती अशी की, पाचोरा बस आगाराची बस (एमएच १४ बीटी २३३३) ही ३ नोव्हेंबर रोजी दुपारी दीड वाजेच्या सुमारास पाचोरा भडगाव मार्गे चाळीसगाव कडे जाण्यासाठी निघाली. रस्त्यावरील वाघळी ते बोरखेडा दरम्यानच्या (हॉटेल एमएच १९) जवळ बसच्या समोरून येणारी (एमएच १९ डीएम २२८०) क्रमांकाच्या दुचाकीस्वार प्रतिक ज्ञानेश्वर पाटील रा. डांभूर्णी ता. यावल जि.जळगाव हा भरधाव वेगाने येवून बसवर धडकला.

यात बस चालक दिपक शांताराम पाटील (वय-३६) रा. धरणगाव यांनी प्रसंगावधानामुळे दुचाकीस्वार थोडक्यात बचावला आहे. परंतू बसच्या मागे येत असलेली (एमएच १९ एक्यू ४०४९) क्रमांकाची दुचाकी बसला धडकली. यात भरत लहू पाटील आणि त्यांची पत्नी मनिषाबाई लहू पाटील रा. नेरी ता. पाचोरा जि.जळगाव हे दोघे किरकोळ जखमी झाले आहे. बसचालकाच्या फिर्यादीवरून बसला समोरून धडक देणारा दुचाकीस्वार प्रतिक पाटील याच्यावर चाळीसगाव ग्रामीण पोलीसात गुन्हा दाखल करण्यात आला आहे. पुढील तपास पोलीस नाईक जयंत सपकाळे करीत आहे.

Exit mobile version