जळगाव, लाईव्ह ट्रेंड्स न्यूज प्रतिनिधी । राष्ट्रवादी काँग्रेस पक्षाचे सदस्यता नोंदणी अभियान व कोरोना लसीकरण शिबीर वाघ नगर येथे राष्ट्रवादी काँग्रेस पार्टी जळगाव महानगराध्यक्ष अशोक लाडवंजारी यांच्या मार्गदर्शनाखाली महानगर संघटक सहसचिव संजय जाधव यांनी आयोजित केले होते. यात १०० नागरिकांचे सदस्यता नोंदणी तर ५० नागरिकांचे लसीकरण करण्यात आले.
लसीकरण व सदस्यता नोंदणी शिबिर कार्यक्रमाच्या अध्यक्षस्थानी जिल्हाध्यक्ष रवींद्रभैय्या पाटील हे होते. कार्यक्रमाचे उदघाटन जिल्हाध्यक्ष महानगर अशोक लाडवंजारी यांच्या हस्ते करण्यात आले. रविंद्र भैय्या पाटील यांनी उपस्थित नागरिकांना संबोधित केले व कार्यकर्त्यांना मार्गदर्शन केले. या कार्यक्रमात १०० नागरिकांची सदस्यता नोंदणी करण्यात आली व ५० नागरिकांचे लसीकरण करण्यात आले. तसेच वाघ नगर परिसरातील सामाजिक कार्यकर्ते व भारतीय जनता पक्षाच्या अध्यात्मिक आघाडीचे जिल्हा अध्यक्ष संतोष विजय बाविस्कर, पूजा विजय नावडे , वैशाली अमोल कदम यांनी देखील राष्ट्रवादी काँग्रेस पक्षाचे सदस्यत्व स्वीकारले व कार्यकर्त्यांसह राष्ट्रवादी काँग्रेस पक्षात प्रवेश केला. याप्रसंगी जिल्हा सरचिटणीस अशोक पाटील, महिला आघाडीच्या महानगर अध्यक्षा मंगला पाटील, जिल्हा महानगर उपाध्यक्ष अमोल कोल्हे, जिल्हा महानगर सरचिटणीस सुनील माळी, रहीम तडवी, विशाल देशमुख, रमेश बहारे, सुशील शिंदे, शकीला तडवी , नईम खाटिक, जितेंद्र बागरे, सुहास चौधरी, नामदेव पाटील, दिपक पाटील, किरण चव्हाण , सिद्धार्थ गव्हाळे यांच्या सह राष्ट्रवादी काँग्रेस पक्षाचे पदाधिकारी व कार्यकर्ते तसेच वाघ नगर परिसरातील नागरिक मोठ्या संख्येने उपस्थित होते.