जळगावात प्रतापराव होगाडे यांची अवाजवी वीज बिलाबाबत जनजागृती मोहीम

जळगाव, प्रतिनिधी | कृषी व अकृषक ग्राहकांना वीजबिले अवास्तव व चुकीची दिली जात आहेत. याअवाजवी वीज बिलांबाबत प्रतापराव होगाडे हे मंगळवार दि. ११ जानेवारी रोजी जनजागृती करणार आहेत.

 

कृषी व अकृषक ग्राहकांना वीजबिले अवास्तव व चुकीची दिली जात असल्याने शेतकरी, ग्राहक यांचे नुकसान होत आहे. या अवाजवी बिलांबाबत जनजागृतीसाठी महाराष्ट्र वीज ग्राहक संघटनेचे अध्यक्ष प्रतापराव होगाडे व मुकुंद माळी यांचा जनजागृती कार्यक्रम जळगाव शहरात तहसील कार्यालयनजीक पत्रकार भवनात दुसऱ्या मजल्यावर मंगळवारी दि. ११ जानेवारी रोजी दुपारी ४ ते ६ वाजेदरम्यान आयोजित करण्यात आला आहे. शरद जोशी प्रणित शेतकरी संघटनेचे माजी विभाग अध्यक्ष कडूअप्पा पाटील, उद्योजक, व्यापारी आघाडीतर्फे सचिन चोरडिया व वीज ग्राहक संघटनेतर्फे विजय मोहरीर यांनी आयोजन केले आहे. कोविड नियमांचे पालन करून हा कार्यक्रम होईल. सर्वांसाठी मास्क अनिवार्य आहे.

Protected Content