चोपडा प्रतिनिधी । येथील नगरपरिषद रूग्णालयात रविवारी सकाळी लहान मुलांना पोलिओचा डोस देवून सुरूवात करण्यात आली. याप्रसंगी नगराध्यक्षा मनिषा चौधरी, आरोग्य सभापती सुप्रिया सनेर, रोटरी अध्यक्ष नितीन अहिरराव, वैद्यकिय अधिकारी डॉ चंद्रकांत बारेला यांची उपस्थिती होती.
सदर लसीकरण कार्यक्रम 31 जानेवारी ते 2 फेब्रुवारी या कालावधीत पोलिओ लसीकरण मोहीम राबविली जात आहे. पल्स पोलिओ लसीकरण कार्यक्रम म्हणून ओळखल्या जाणार्‍या राष्ट्रीय लसीकरण दिन (एनआयडी) यापूर्वी 17 जानेवारीपासून ठरविण्यात आला होता परंतु देशभरातील कोरोनव्हायरस लसीकरण मोहिमेच्या पार्श्वभूमीवर तीन दिवसांची पोलिओ लसीकरण मोहीम १ जानेवारीपासून सुरू होऊन ती २ फेब्रुवारीपर्यंत चालु राहील यात वय वर्ष 0ते5 वयोगटातील मुलांना पोलिओ थेंब दिले जातात.पोलिओ लसीकरण कार्यक्रम वर्षातून दोनदा घेण्यात येतो, सहसा सुरुवातीच्या महिन्यात.नियमीत पोलिओ लस प्रत्येक जन्माच्या वेळी एकदा, 6 आठवड्यात, १० आठवड्यात आणि 14 आठवड्यांनी दिली जाते आणि त्यानंतर वयाच्या 5 वर्ष पर्यंत आवश्यक असल्यास अधिक दिले जाते. पोलिओ रविवार म्हणून ओळखल्या जाणार्‍या पल्स पोलिओ कार्यक्रमाची सुरुवात रविवारी होते, ज्याला राष्ट्रीय लसीकरण दिन देखील म्हटले जाते.
शासनाचा कोविड प्रोटोकॉल प्रमाणे शारीरिक अंतर, फेस मास्क आणि हँडवॉशिंग सारखे सावधगिरीचे उपाय बाळगून पोलिओ लसीकरण मोहीम आयोजित केली त्यात चोपडा रोटरीचे सचिव रुपेश पाटील, एम डब्लू पाटील,चंद्रशेखर साखरे,भालचंद्र पवार, आशिष जैस्वाल सोबत फार्मासिस्ट अजय जयस्वाल, लॅब टेक्नीशियन पल्लवी देशमुख, कीर्ती महाजन, अधीपरिचालक सचिन शिंदे, फार्मासिस्ट नदीम शेख तसेच सर्व आशा वर्कर्स, बूथ वरील सर्व कर्मचारी वृंद उपस्थित होते.