जळगाव-लाईव्ह ट्रेंडस न्यूज प्रतिनिधी । उसनवारीचे पैसे फेडण्यासाठी माहेरहून १ लाख रूपये आणावे या मागणीसाठी विवाहितेचा छळ केल्याचा प्रकार समोर आला आहे. याप्रकरणी बुधवार ३० नोंव्हेंबर रेाजी दुपारी ४ वाजता पतीविरोधात एमआयडीसी पोलीस ठाण्यात गुन्हा दाखल करण्यात आला. याबाबत अधिक माहिती अशी की, जळगाव शहरातील अक्सानगरातील माहेर असलेल्या नाजीया परवीन शेख जियाउद्दीन (वय-३२) यांचा विवाह चोपडा शहरातील जियाउद्दीन शेख उस्नोउद्दीन यांच्याशी २००५ मध्ये रितीरिवाजानुसार झाला. संसाराचा गाडा सुरू असतांना पती जियाउद्दीन याला दारूचे व्यसन जडले. यात काम धंदा न करता लोकांकडून हातउसनवारी केली. उसनवारीचे पैसे फेडण्यासाठी विवाहितेला माहेरहून १ लाख रूपये आणावे अशी मागणी पतीने केली. विवाहितेने पैसे आणले नाही म्हणून तिचा शारिरीक व मानसिक छळ करण्यास सुरूवात केली. हा त्रास सहन न झाल्याने विवाहिता जळगावातील अक्सानगरात माहेरी निघून आल्या. बुधवारी ३० नोव्हेंबर रोजी दुपारी ४ वाजता एमआयडीसी पोलीस ठाण्यात धाव घेवून तक्रार दिली. त्यांच्या तक्रारीवरून पती जियाउद्दीन शेख उस्नोद्दिन याच्या विरोधात गुन्हा दाखल करण्यात आला आहे. पुढील तपास पोहेकॉ महेंद्रसिंग पाटील करीत आहे.