साकळीत आरोग्य सभापती व तहसीलदार यांच्या उपस्थितीत सर्वेक्षण

 

 

 यावल : प्रतिनिधी  । तालुक्यातील साकळी येथे  माझे कुटुंब माझी जबाबदारी या कार्यक्रमाअंतर्गत सर्वेक्षण सुरू असताना जिल्हा परिषद शिक्षण व आरोग्य सभापती  रविंद्र पाटील,  तहसीलदार महेश पवार , पंचायत समितीचे गटशिक्षणाधिकारी नईमुद्दीन शेख  यांनी भेट दिली

 

याप्रसंगी सर्वेक्षण करणाऱ्या शिक्षकांना व आरोग्य कर्मचाऱ्यांना आरोग्य सभापती रवींद्र पाटील यांनी मार्गदर्शन केले  तहसीलदार  व गटशिक्षणाधिकारी यांनी नागरिकांनी या कार्यक्रमाअंतर्गत शासकीय नियमांचे पालन करून स्वतःच्या व इतरांच्या आरोग्याची काळजी घ्यावी व समयसुचकता बाळगुण आपली वेळ येईल त्यावेळेस कोवीड लसीकरण करून घ्यावे असे आवाहन केले.

 

सर्वेक्षण केंद्रप्रमुख किशोर चौधरी यांनी पंचक्रोशीतील साकळी, शिरसाड, मनवेल, दगडी, थोरगव्हाण व पिळोदा येथील आरोग्य विभागाच्या सर्वेक्षण संदर्भात माहिती दिली. साकळी परिसरातील आरोग्य यंत्रणेच्या माध्यमातुन होत असलेल्या कोरोना संदर्भातील जनजागृती व रुग्णांची घेतली जात असलेली काळजी या विषयाची माहिती जाणुन घेतली तहसीलदार महेश पवार यांनी समाधान व्यक्त केले  कोरोनाचे उच्चाटन करण्यासाठी प्रशासनास जनजागृती व शासनाच्या नियमांची काटेकोर अमलबजावणी आणी सर्वेक्षण अधिकाधिक प्रभावी करण्यासंदर्भात मार्गदर्शन केले. याप्रसंगी परिसरातील सर्वेक्षण कर्मचारी शिक्षक, आशा वर्कर प्रामुख्याने उपस्थित होते.

आम्हाला फॉलो करा

Comments are closed, but trackbacks and pingbacks are open.