मेहरूण परिसरात मध्यरात्री बंद घर फोडले; ३६ हजाराचा ऐवज लंपास

शेअर करा !

जळगाव प्रतिनिधी । बंद घर फोडून घरातील सोन्याचे दागिने व रोकडसह ३६ हजाराचा मुद्देमाल लंपास केल्याची घटना शहरातील मेहरूण येथे घडली. याप्रकरणी एमआयडीसी पोलीस ठाण्यात अज्ञात व्यक्तींविरोधात गुन्हा नोंदविण्यात आला आहे.

store advt

पोलीसांकडून मिळालेली माहिती अशी की, मनोज मारूती घुले (वय-३८) रा.श्रीराम शाळेजवळ, मेहरूण हे आपल्या कुटुंबियासोबत २ जुलै २०२० रोजी सकाळी गेले. त्यावेळी घराला कुलूप लावून गेले होते. अज्ञात चोरट्यांनी बंद घर पाहून मध्यरात्री घरफोडी करून घरात ठेवलेले कपाट व लॉकर उघडून लॉकरमध्ये ठेवलेली २५ हजार रूपये किंमतीची १० ग्रॅम वजनाची सोन्याची अंगठी, १० हजार रूपये रोख व १ हजार रूपये किंमतीचे टायटन घड्याळ असे एकुण ३६ हजार रूपये किंमतीचा मुद्देमाल लंपास केला. १० जुलै रोजी मनोज घुले घरी आल्यावर घराचा दरवाजाचे कुलूप उघडलेले दिसले व चोरी झाल्याचा प्रकार लक्षात आला. याप्रकरणी एमआयडीसी पोलीस ठाण्यात अज्ञात चोरट्यांविरोधात गुन्हा नोंदविण्यात आला आहे. पुढील तपास पोहेकॉ महेंद्रसिंग पाटील करीत आहे.

आम्हाला फॉलो करा
error: Content is protected !!