बरे झालेल्या रुग्णांना पुन्हा कोरोना !

'इन्स्टिट्यूट ऑफ जिमोमिक्स अॅन्ड इंटिग्रेटिव्ह बायोलॉजी'च्या संशोधनात खुलासा

शेअर करा !

नवी दिल्ली वृत्तसंस्था । कोरोना संक्रमणाच्या वेगात गेल्या काही दिवसांत कमालीची वाढ झालेली दिसून येतेय. अशा वेळी दिल्ली आणि मुंबईतून धक्कादायक अशी माहिती समोर येतेय. नोएडा आणि मुंबईमध्ये बरे झालेले काही रुग्ण पुन्हा एकदा कोरोना संक्रमित असल्याचं आढळलं आहे. यामध्ये नोएडाच्या दोन तर मुंबईच्या चार आरोग्यसेवेच्या कर्मचाऱ्यांचा समावेश आहे. दिल्लीतल्या सीएसआयआरच्या ‘इन्स्टिट्यूट ऑफ जिमोमिक्स अॅन्ड इंटिग्रेटिव्ह बायोलॉजी’च्या संशोधनात हा खुलासा झालाय. दुसऱ्यांदा संक्रमण आढळलेलं हे देशातील पहिलंच प्रकरण असू शकतं.

या संस्थेच्या पथकाने मुंबईच्या ४ आरोग्यसेवा कर्मचाऱ्यांमध्ये पुन्हा कोरोना संक्रमण आढळल्याचं म्हटलंय. यातील तीन जण मुंबई सेंट्रल भागातील नायर रुग्णालयाचे तर माहिमच्या हिंदुजा हॉस्पीटलशी निगडीत असल्याचं समोर आलंय. मुंबईतील हे परिणाम सहा दिवसांपूर्वी एका आंतरराष्ट्रीय मेडीकल जर्नलमध्ये प्रकाशित करण्यात आले होते.

दुसऱ्यांदा चाचणीसाठी एका टीमनं आत्तापर्यंत देशाभरात १६ आरोग्यसेवा कर्मचाऱ्यांच्या सॅम्पल्सची गंभीरतेनं चाचणी केली. यातील दोन स्वॅब सॅम्पल्समधून एकात पहिल्यांदाच संक्रमण झाल्याचं तर दुसऱ्यात दुसऱ्यांदा संक्रमण झाल्याचं समोर येतंय.

नोएडा आरोग्य कर्मचारी प्रकरणात एका २५ वर्षीय पुरुष आणि एका २८ वर्षीय महिलेच्या चाचणीत दोन SARS-CoV2 व्हायरस दरम्यान नऊ भिन्नता आढळल्या, ज्यामुळे त्यांच्यात दुसऱ्यांदा संक्रमण आढळलंय. ‘एचसीडब्ल्यू’नं ५ मे आणि १७ मे रोजी पहिल्यांदा पीसीआर पॉझिटिव्ह टेस्ट केली. दुसऱ्यांदा क्रमश: २१ ऑगस्ट आणि ५ सप्टेंबर रोजी चाचणी करण्यात आली.

ग्रेटर नोएडातल्या ‘गव्हर्नमेंट इन्स्टिट्यूट ऑफ मेडिकल सायन्सेस’ डॉ. राकेश गुप्ता यांनी दिलेल्या माहितीनुसार, नोएडात पुन्हा बाधित आढळलेले दोन्ही आरोग्यसेवा कर्मचारी एकमेकांच्या संपर्कात आले होते. रुग्णाच्या शरीरात व्हायरसशी लढण्यासाठी रोगप्रतिकारक क्षमता नेहमीसाठी तयार होऊ शकत नाही. त्यामुळे जशी रोगप्रतिकारक क्षमता थोडी कमी पडते तेव्हाच शरीरात उपस्थित व्हायरस शरीरावर पुन्हा एकदा हल्ला चढवतो. अशावेळी रुग्ण दुसऱ्यांदा संक्रमित होतो. संक्रमणातून मुक्त झालेल्या १४ टक्के लोकांना दुसऱ्यांदा संक्रमणाला सामोरं जावं लागू शकतं.

आम्हाला फॉलो करा

Comments are closed, but trackbacks and pingbacks are open.

error: Content is protected !!